कर्नाटकात १६ वर्षांखालील मुलांना समाजमाध्यम वापरास बंदी
कर्नाटक सरकारने राज्यातील १६ वर्षांखालील मुलांच्या सोशल मीडिया वापरावार बंदी घातली आहे. राज्याचा २०२६-२७ चा अर्थसंकल्प सादर करताना मुख्यमंत्री सिद्धरामय्या यांनी ही घोषणा केली.
असा निर्णय घेणारे कर्नाटक हे देशातील पहिले राज्य ठरले आहे.
महत्त्वाचे मुद्दे
उद्देश
स्मार्टफोन आणि समाजमाध्यमांचे लहान मुलांवर होणारे प्रतिकूल परिणाम आणि व्यसन रोखणे हा या निर्णयाचा मुख्य हेतू आहे.
अंमलबजावणीतील आव्हाने
पालकांनी या निर्णयाचे स्वागत केले असले तरी, याची प्रत्यक्षात अंमलबजावणी करणे मोठे आव्हानात्मक असल्याचे मत तज्ज्ञांनी व्यक्त केले आहे.
शंका
विशेषतः शैक्षणिक ॲप्स आणि ऑनलाइन शिक्षणाच्या युगात ही बंदी कशी लागू होणार, याबाबत शंका व्यक्त केली जात आहे.
आंध्र प्रदेशचे पाऊल:
कर्नाटकच्या पाऊलावर पाऊल ठेवत आंध्र प्रदेशचे मुख्यमंत्री एन. चंद्राबाबू नायडू यांनीही राज्यात पुढील ९० दिवसांत १३ वर्षांखालील मुलांसाठी सोशल मीडिया बंदी लागू करण्याचे संकेत दिले आहेत. १३ ते १६ वयोगटासाठी ही बंदी वाढवायची की नाही, यावर चर्चा सुरू आहे.